शोकदायक! सामोडे येथील स्कूल कमिटीचे चेअरमन शंकर नाना शिंदे यांचे निधन

सहसंपादक अनिल बोराडे 

 सामोडे (ता. साक्री) येथील मराठा समाजातील प्रतिष्ठित व्यक्ती आणि स्कूल कमिटीचे चेअरमन कै. शंकर नाना शिंदे यांचे आज,

दिनांक २१ ऑक्टोबर २०२५, मंगळवार रोजी सकाळी नऊ वाजता वयाच्या ८० व्या वर्षी अल्पशा आजाराने नाशिक येथे उपचारादरम्यान निधन झाले. त्यांच्या निधनाने सामोडे आणि परिसरावर शोककळा पसरली आहे.

कै. शंकर नाना शिंदे हे सामोडे येथील सामाजिक आणि शैक्षणिक क्षेत्रात सक्रिय होते. स्कूल कमिटीचे चेअरमन म्हणून त्यांनी आपले महत्त्वपूर्ण योगदान दिले.

त्यांचा अंत्यविधी आज सायंकाळी ५ वाजता सामोडे येथे शोकाकुल वातावरणात करण्यात आला. यावेळी सामोडे आणि परिसरातील नागरिक मोठ्या संख्येने उपस्थित होते.

त्यांच्या पश्चात पत्नी, चार भाऊ, एक मुलगा, तीन मुली, सून, जावई आणि नातू असा मोठा परिवार आहे. त्यांच्या निधनाने कुटुंबावर आणि आप्तेष्टांवर दुःखाचा डोंगर कोसळला आहे.

कै. शंकर नाना शिंदे हे साक्री येथील सुप्रसिद्ध स्त्री रोग तज्ञ डॉ. प्रशांत शंकर शिंदे यांचे वडील होते. तसेच, धुळे येथील मा. सिव्हिल सर्जन डॉ. जी. एन. मराठे, साक्री येथील दि. रामराव दादा को.ऑप बँकेचे मॅनेजर विक्रम नाना शिंदे आणि सामोडे येथील शिक्षक अशोक नाना शिंदे, किरण नाना शिंदे यांचे ते ज्येष्ठ बंधू होते.

त्यांच्या निधनाने सामोडे गावाने एक आधारस्तंभ गमावला आहे. विविध क्षेत्रांतील मान्यवरांनी त्यांच्या निधनाबद्दल तीव्र दुःख व्यक्त केले आहे.