Type Here to Get Search Results !

SidDhi Printers

SidDhi Printers

साक्री शहरात श्री छत्रपती शिवाजी वाचनालयातर्फे शारदीय नवरात्रोत्सव व्याख्यानमालेचे आयोजन

 सहसंपादक अनिल बोराडे 

साक्री/पिंपळनेर (दि.२०/०९/२०२५) : साक्री शहराचे वैभव म्हणून ओळखले जाणारे श्री छत्रपती शिवाजी वाचनालय यंदा आपल्या रौप्य महोत्सवी वर्षाचे औचित्य साधून शारदीय नवरात्रोत्सवानिमित्त सात दिवसांच्या विशेष व्याख्यानमालेचे आयोजन करत आहे. या व्याख्यानमालेची सुरुवात मंगळवार, २३ सप्टेंबर २०२५ रोजी होणार आहे.

व्याख्यानमालेचे उद्घाटन महाराष्ट्राचे माजी विधानसभा अध्यक्ष व माजी मंत्री मा. प्रा. अरुणभाई गुजराथी यांच्या हस्ते सायंकाळी ५:३० वाजता होईल. या प्रसंगी, वाचनालयातर्फे नुकताच पद्मश्री पुरस्कार प्राप्त केलेल्या चैत्राम भाऊ पवार यांचा विशेष सत्कार करण्यात येणार आहे. कार्यक्रमाला प्रमुख अतिथी म्हणून साक्रीच्या विद्यमान आमदार मंजुळाताई गावीत उपस्थित राहणार आहेत. कार्यक्रमाच्या अध्यक्षस्थानी वाचनालयाचे अध्यक्ष तथा तहसीलदार साहेबराव सोनवणे असतील.



व्याख्यानमालेचा तपशील:

 * २३ सप्टेंबर: प्रा. अरुणभाई गुजराथी यांचे 'ग्रंथालय आणि मानवी मूल्य' या विषयावर पहिले पुष्प गुंफले जाईल.

 * २४ सप्टेंबर: नाशिकचे कवी संदीप जगताप 'कविता आणि बरंच काही' या विषयावर बोलतील.

 * २५ सप्टेंबर: लातूरचे श्रीधर शिंदे 'सुंदर जगण्यासाठी' यावर मार्गदर्शन करतील.

 * २६ सप्टेंबर: अलिबागचे ॲड. श्रीराम ठोसर 'रामायणातील जीवनमूल्य' या विषयावर विचार मांडतील.

 * २७ सप्टेंबर: धुळ्याच्या प्रा. डॉ. वैशाली पाटील 'मनाची मशागत' या विषयावर बोलतील.

 * २८ सप्टेंबर: धरणगावचे प्रा. सी. एस. पाटील 'पंढरीची वारी खरंच भारी' या विषयावर व्याख्यान देतील.

 * २९ सप्टेंबर: समारोपाचे व्याख्यान धुळ्याचे प्रा. प्रकाश पाठक 'लोकमाता अहिल्यादेवी होळकर' यांच्या जीवनावर देतील.

समारोप आणि सन्मान:

व्याख्यानमालेचा समारोप २९ सप्टेंबर २०२५ रोजी सायंकाळी ५:३० वाजता होईल. या समारंभाला नाशिक विभागाचे विधानपरिषद सदस्य आमदार श्री. सत्यजित तांबे प्रमुख अतिथी म्हणून उपस्थित राहतील. यावेळी नवनियुक्त नगराध्यक्ष उषाताई अनिल पवार आणि नवनियुक्त उपनगराध्यक्ष उज्वलाताई विजय भोसले यांचाही सत्कार करण्यात येणार आहे. कार्यक्रमाचे अध्यक्ष म्हणून तहसीलदार साहेबराव सोनवणे उपस्थित असतील.

या संपूर्ण व्याख्यानमालेसाठी साक्रीतील सर्व नागरिकांना मोठ्या संख्येने उपस्थित राहण्याचे आवाहन वाचनालयाचे संचालक मंडळ व सांस्कृतिक समितीने केले आहे. यशस्वीतेसाठी उपाध्यक्ष सुरेश सोनवणे, कार्यवाह प्रा.विनय शाह, सांस्कृतिक समिती प्रमुख प्राचार्य डॉ.लहू पवार यांच्यासह सर्व संचालक मंडळ परिश्रम घेत आहे.

Post a Comment

0 Comments