पिंपळनेरमध्ये मोफत महाआरोग्य शिबिर: नागरिकांना मिळणार विविध आजारांवर उपचार आणि मार्गदर्शन

 सहसंपादक अनिल बोराडे 

पिंपळनेर (धुळे): शिवसेना वैद्यकीय मदत कक्ष आणि डॉ. श्रीकांत शिंदे फाउंडेशन (महाराष्ट्र राज्य) यांच्या संयुक्त विद्यमाने, साक्रीच्या लोकप्रिय आमदार मंजुळाताई तुळशीराम गावित आणि धुळे जिल्हा शिवसेना जिल्हाप्रमुख डॉ. श्री. तुळशीराम गावित यांच्या पुढाकाराने पिंपळनेर शहरात भव्य मोफत महाआरोग्य शिबिराचे आयोजन करण्यात आले आहे. ६ जून २०२५ रोजी सकाळी ८ वाजल्यापासून पिंपळनेर येथील विद्यानंद हायस्कूल (कै. नानासाहेब साहेबराव पंडित पाटील माध्यमिक विद्यालय), चिकसे रोड येथे हे शिबिर होणार आहे.

या महाआरोग्य शिबिराच्या पूर्वतयारीचा आढावा शिवसेना जिल्हाध्यक्ष डॉ. श्री. तुळशीराम गावित, जिल्हा उपाध्यक्ष श्री ज्ञानेश्वर एखंडे, साक्री विधानसभा क्षेत्र प्रमुख श्री संभाजी अहिरराव, जिल्हा वैद्यकीय अधिकारी आणि शिवसेनेच्या पदाधिकाऱ्यांनी घेतला आहे.

या शिबिराला महाराष्ट्र राज्याचे शिक्षण मंत्री माननीय श्री दादाजी भुसे साहेब, धुळे जिल्ह्याचे पालकमंत्री माननीय श्री जयकुमार रावल साहेब, आमदार मंजुळाताई तुळशीराम गावित, धुळे जिल्हा शिवसेना अध्यक्ष डॉक्टर तुळशीराम गावित यांच्यासह तालुका व जिल्ह्यातील शिवसेनेचे सर्वच पदाधिकारी उपस्थित राहणार आहेत.

शिबिरात मिळणार विविध आजारांवर मोफत उपचार आणि मार्गदर्शन

या शिबिरामध्ये मुंबई आणि धुळे येथील तज्ञ डॉक्टरांकडून रुग्णांची तपासणी, मोफत औषधोपचार आणि आवश्यक शस्त्रक्रियेबद्दल मार्गदर्शन करण्यात येणार आहे. परिसरातील नागरिकांना या तज्ञ डॉक्टरांच्या ज्ञानाचा आणि अनुभवाचा लाभ घेता येणार आहे.

शिबिरात खालील प्रमुख आजारांवर तपासणी, औषधोपचार आणि मार्गदर्शन मोफत उपलब्ध असेल:

 * बालरोग तपासणी

 * हृदयरोग तपासणी

 * नेत्र तपासणी

 * स्त्रीरोग तपासणी

 * दंतरोग तपासणी

 * अस्थिरोग तपासणी

 * किडनी तपासणी

 * नाक, कान, घसा तपासणी

 * मेंदू विकार तज्ञ

 * त्वचारोग तपासणी

शिबिरासाठी विविध संस्थांचे सहकार्य

या शिबिराच्या यशस्वी आयोजनासाठी कै. भाऊसाहेब हिरे शासकीय वैद्यकीय महाविद्यालय धुळे, जिल्हा शल्य चिकित्सक धुळे, जिल्हा आरोग्य अधिकारी जि. प. धुळे, धुळे जिल्ह्यातील सर्व अधिकारी, कर्मचारी, डॉक्टर, नर्स, हॉस्पिटल अधिकारी आणि कर्मचाऱ्यांचे विशेष सहकार्य लाभणार आहे. त्याचप्रमाणे शिवसेना शिंदे गट महायुती धुळे जिल्ह्याचेही मोलाचे सहकार्य या शिबिरासाठी मिळत आहे.

पंचक्रोशीतील जास्तीत जास्त नागरिकांनी या मोफत महाआरोग्य शिबिराचा लाभ घ्यावा, असे आवाहन आयोजकांनी केले आहे.