श्री छत्रपती शिवाजी महाराज वाचनालयाची 2025-30 ची पंचवार्षिक निवडणूक यशस्वीरित्या संपन्न

सहसंपादक अनिल बोराडे 

 साक्री, दि. 18 जून 2025 - साक्री येथील श्री छत्रपती शिवाजी महाराज वाचनालयाची सन 2025-30 ची पंचवार्षिक निवडणूक आज साक्रीचे तहसीलदार श्री. साहेबराव सोनवणे यांच्या उत्कृष्ट प्रशासनाखाली, निवडणूक शाखेचे नायब तहसीलदार राजेंद्र सोनवणे आणि तहसील कार्यालयातील कर्मचाऱ्यांच्या सहकार्याने अत्यंत पारदर्शकपणे व सर्वसमावेशक निर्णय घेऊन पार पडली.

नूतन अध्यक्षांचा सत्कार व कार्यकारणीची निवड

निवडणुकीत निवडून आलेल्या सर्व नवनिर्वाचित संचालकांनी श्री. साहेबराव सोनवणे यांनी वाचनालयाचे पदसिद्ध अध्यक्ष म्हणून पदभार स्वीकारल्याबद्दल त्यांचा सत्कार केला. वाचनालयाचे ज्येष्ठ संचालक श्री. सुरेश सोनवणे यांच्या हस्ते हा सत्कार करण्यात आला.

यानंतर, वाचनालयाच्या कार्यकारणीची निवड करण्यात आली:

 * उपाध्यक्षपदी श्री. सुरेश सखाराम सोनवणे यांची सर्वानुमते निवड झाली.

 * कार्यवाहपदी प्रा. व्ही. के. शाह यांची सर्वानुमते निवड करण्यात आली.

 * सहकार्यवाहपदी ॲड. नरेंद्र मराठे यांची सर्वसंमतीने निवड करण्यात आली.

या चारही नवीन पदभार स्वीकारणाऱ्या पदाधिकाऱ्यांचा सन्मान सर्व नवनिर्वाचित संचालकांनी केला. ही निवडणूक अत्यंत खेळीमेळीच्या वातावरणात पार पडली आणि सर्वांनी नूतन पदाधिकाऱ्यांचे अभिनंदन व निवडीचे कौतुक केले. नवनियुक्त पदाधिकाऱ्यांनी पदभार स्वीकारल्यानंतर सर्वांचे आभार मानले.

मनोगत आणि उपस्थित मान्यवर

नवीन पदाधिकाऱ्यांच्या निवडीनंतर वाचनालयाचे अध्यक्ष तहसीलदार साहेबराव सोनवणे, श्री. सुरेश सोनवणे, प्रा. व्ही. के. शाह, आणि ॲड. नरेंद्र मराठे यांनी आपले मनोगत व्यक्त केले.

श्री. छत्रपती शिवाजी महाराज वाचनालयाच्या या प्रथम बैठकीसाठी वाचनालयाचे अध्यक्ष तथा साक्रीचे तहसीलदार साहेबराव सोनवणे, वाचनालयाचे नवनिर्वाचित उपाध्यक्ष सुरेश सखाराम सोनवणे, नवनिर्वाचित कार्यवाह प्रा. विनयकुमार शाह, नवनिर्वाचित सहकार्यवाह ॲड. नरेंद्र मराठे, तसेच संचालक अजीजखा पठाण, संचालक प्रा. डी. एन. खैरनार, प्राचार्य नरेंद्र तोरवणे, प्राचार्य डॉ. लहू पवार, विजय भोसले, आर. पी. भामरे आणि ग्रंथपाल उज्ज्वल अग्निहोत्री आदी मान्यवर उपस्थित होते. कार्यक्रमाचे सूत्रसंचालन प्राचार्य डॉ. लहू पवार यांनी केले, तर प्राचार्य नरेंद्र तोरवणे यांनी आभार मानले.

ही निवडणूक वाचनालयाच्या पुढील वाटचालीसाठी एक महत्त्वाचा टप्पा ठरली असून, नूतन कार्यकारणीच्या नेतृत्वाखाली वाचनालय अधिक प्रगती करेल अशी अपेक्षा आहे.