भाजीपाला विक्रेता ते शिवसेनेचे युवा उपजिल्हाप्रमुख! चंद्रकांत गवांदे यांच्या सामाजिक कार्याचा प्रेरणादायी प्रवास

 वाढदिवशी पिंपळनेरकरांना ‘फ्रीजर शवपेटी’ची अनमोल भेट; राजकारणापलीकडची माणुसकी आणि सामाजिक बांधिलकी जपली!

पिंपळनेर ( सहसंपादक अनिल बोराडे):

राजकारणात पद मिळवण्यासाठी अनेक जण प्रयत्न करतात, मात्र समाजातील शेवटच्या घटकापर्यंत पोहोचून त्यांच्या सुख-दुःखात सहभागी होणारे नेतृत्वच जनसामान्यांच्या मनात कायमचे स्थान निर्माण करते. भाजीपाला विक्रीपासून आपल्या सामाजिक वाटचालीला सुरुवात करून शिवसेनेच्या उपजिल्हाप्रमुख पदापर्यंत मजल मारणारे युवा नेतृत्व चंद्रकांत अशोक गवांदे यांनी याच सामाजिक बांधिलकीचा प्रत्यय पुन्हा एकदा दिला आहे. स्वतःच्या वाढदिवसाचा अनाठायी खर्च टाळून पिंपळनेर शहरवासीयांच्या सेवेसाठी फ्रीजर शवपेटी उपलब्ध करून देत त्यांनी माणुसकीच्या नात्याला नवा आयाम दिला आहे. या फ्रीजर शवपेटीचा लोकार्पण सोहळा विविध क्षेत्रांतील मान्यवरांच्या उपस्थितीत उत्साहपूर्ण वातावरणात पार पडला.

आमदार मंजुळाताई गावित यांच्या हस्ते लोकार्पण; डॉ. योगिताताई चौरे यांची प्रमुख उपस्थिती

या लोकार्पण सोहळ्याला तालुक्याच्या आमदार सौ. मंजुळाताई गावित यांची विशेष उपस्थिती लाभली, तर पिंपळनेर नगरपरिषदेच्या नगराध्यक्षा सौ. डॉ. योगिताताई चौरे प्रमुख पाहुण्या म्हणून उपस्थित होत्या.

या प्रसंगी उपनगराध्यक्ष योगेश नेरकर, विविध सभापती, नगरसेवक-नगरसेविका, सरपंच, शिवसेना व भाजप पक्षाचे पदाधिकारी, शैक्षणिक क्षेत्रातील मान्यवर, मित्रपरिवार, आप्तेष्ट आणि पंचक्रोशीतील नागरिक मोठ्या संख्येने उपस्थित होते. चंद्रकांत गवांदे यांच्या या समाजोपयोगी उपक्रमाचे उपस्थितांनी मनापासून कौतुक केले.

संघर्षातून नेतृकडे: भाजीपाला विक्री ते शिवसेना युवा उपजिल्हाप्रमुख

सामान्य परिस्थितीतून पुढे आलेल्या चंद्रकांत गवांदे यांनी आपल्या आयुष्यात नेहमीच सामाजिक कार्याला प्राधान्य दिले. भाजीपाला विक्रीचा व्यवसाय करत असताना त्यांनी समाजातील गरिबी, सामान्य कुटुंबांचे प्रश्न आणि गरजूंच्या अडचणी अगदी जवळून अनुभवल्या. यातूनच समाजासाठी काहीतरी करण्याची भावना दृढ झाली.

कार्यातील सातत्य, लोकांशी थेट संपर्क आणि सर्वसामान्यांच्या मदतीला धावून जाण्याच्या वृत्तीमुळे त्यांनी राजकीय क्षेत्रातही आपली वेगळी ओळख निर्माण केली. आज शिवसेनेचे युवा उपजिल्हाप्रमुख म्हणून काम करत असताना राजकीय पदाचा उपयोग केवळ स्वतःसाठी न करता गरजू घटकांना मदत मिळवून देण्यासाठी कसा करावा, याचा वस्तुपाठच त्यांनी घालून दिला आहे.

चंद्रकांत गवांदे यांचे उल्लेखनीय सामाजिक कार्य:

 * लॉकडाऊनमध्ये आदिवासी वस्त्यांपर्यंत भाजीपाला: कोरोना महामारीच्या काळात सर्वसामान्यांचे जनजीवन विस्कळीत झाले असताना, गवांदे यांनी आदिवासी वस्त्यांमधील गरजू कुटुंबांच्या दारापर्यंत भाजीपाला पोहोचवण्याचे मोलाचे कार्य केले.

 * शैक्षणिक मदत: गरिबीमुळे कोणत्याही विद्यार्थ्याचे शिक्षण थांबू नये या भावनेतून त्यांनी गरीब व गरजू विद्यार्थ्यांना मोफत वह्या-पुस्तके आणि शैक्षणिक साहित्याचे वाटप केले.

 * महिलांसाठी ७०० डस्टबिनचे वाटप: स्वच्छतेचा संदेश देत त्यांनी परिसरातील महिलांना ७०० डस्टबिनचे मोफत वाटप केले.

 * आदिवासी कुटुंबांना तीन डब्यांचे स्टील संच: रोजंदारीवर उदरनिर्वाह करणाऱ्या आदिवासी झोपडपट्ट्यांमधील कुटुंबांना तीन डब्यांचा स्टीलचा डबा संच देऊन दैनंदिन गरजेत हातभार लावला.

 * कामगार आणि शासकीय योजनांचा पाठपुरावा: बांधकाम कामगारांना भांडी संच मिळवून देण्यासाठी सातत्याने पाठपुरावा केला. तसेच ग्रामीण महिलांना रेशनकार्ड, विधवा महिलांना आर्थिक सहाय्य, आणि श्रावणबाळ योजनेचा लाभ तळागाळातील लाभार्थ्यांपर्यंत पोहोचवण्यासाठी प्रशासकीय पातळीवर यशस्वी पाठपुरावा केला.

‘फ्रीजर शवपेटी’ – दुःखाच्या प्रसंगी पिंपळनेरकरांना मोठा आधार

वाढदिवस म्हणजे केवळ केक कापणे किंवा जल्लोष करणे नव्हे, तर समाजऋण फेडण्याची ती एक संधी आहे, ही परंपरा चंद्रकांत गवांदे यांनी जपली आहे.

एखाद्या कुटुंबात मृत्यूची दुर्दैवी घटना घडल्यास, विशेषतः उष्ण हवामानात किंवा अंत्यदर्शन व अंत्यसंस्कारासाठी दूरवरून नातेवाईक येईपर्यंत पार्थिव सुरक्षित ठेवण्यासाठी फ्रीजर शवपेटीची मोठी गरज भासते. प्रत्येक कुटुंबाला स्वतंत्रपणे ही सुविधा विकत घेणे शक्य होत नसल्याने, पिंपळनेरकरांसाठी उपलब्ध करून दिलेली ही मोफत सुविधा दुःखाच्या प्रसंगी नागरिकांना मोठा दिलासा देणारी ठरेल.

समाजापुढे एक नवा आदर्श!

भाजीपाला विक्रीपासून ते शिवसेनेचे युवा उपजिल्हाप्रमुख असा प्रेरणादायी प्रवास करणाऱ्या चंद्रकांत अशोक गवांदे यांनी "वाढदिवस स्वतःसाठी नव्हे, तर समाजासाठी साजरा करता येतो" हा संदेश या उपक्रमातून दिला आहे. पदापेक्षा सेवा, प्रसिद्धीपेक्षा माणुसकी आणि राजकारणापेक्षा सामाजिक बांधिलकीला महत्त्व देण्याच्या त्यांच्या या भूमिकेचे संपूर्ण पिंपळनेर शहरात व पंचक्रोशीत भरभरून कौतुक होत आहे.

या कार्यक्रमाचे सुत्रसंचालन विजयजी पगारे सरांनी केले तर प्रास्ताविक  डि टी पाटील सरांनी केले