राजे छत्रपती स्कूलच्या सात विद्यार्थ्यांची राज्यस्तरीय लाठी स्पर्धेत धडक; पिंपळनेरच्या शिरपेचात मानाचा तुरा!

 पिंपळनेर (सहसंपादक - अनिल बोराडे):

ग्रामीण भागातील गुणांना वाव देत क्रीडा क्षेत्रात उत्कृष्ट ठसा उमटवणाऱ्या राजे छत्रपती मार्शल आर्ट्स इंग्लिश मीडियम पब्लिक स्कूल, पिंपळनेर (ता. साक्री, जि. धुळे) च्या सात विद्यार्थ्यांनी राज्यस्तरीय लाठी स्पर्धेत धडक मारली आहे. नागपूर येथे पार पडणाऱ्या या प्रतिष्ठेच्या स्पर्धेसाठी विद्यार्थ्यांची निवड झाल्याने पिंपळनेर परिसरासह संपूर्ण धुळे जिल्ह्यातून त्यांच्यावर कौतुकाचा वर्षाव होत आहे.

निवड झालेले बालखेळाडू:

 * प्रितेश तडवी

 * सोहम तडवी

 * गौरव हिळाईसस

 * आAryan जाट

 * सुमित पाटील

 * खुशाल कारंडे

 * हितेश पाटील

कठोर परिश्रम आणि मार्गदर्शनाचे फलित

लाठीसारख्या पारंपरिक आणि साहसी क्रीडा प्रकारात या विद्यार्थ्यांनी अत्यंत शिस्तबद्ध सराव, सातत्य आणि कठोर परिश्रमाच्या जोरावर आपले कौशल्य सिद्ध केले. क्रीडा मार्गदर्शक अमोल आहिरे व गायकवाड सर यांच्या तंत्रशुद्ध आणि मोलाच्या मार्गदर्शनामुळेच या विद्यार्थ्यांना राज्यस्तरापर्यंत मजल मारता आली आहे. या शिक्षणसंस्थेत अभ्यासासोबतच क्रीडा प्रकारांना प्रोत्साहन दिले जात असल्याने विद्यार्थ्यांमध्ये शारीरिक तंदुरुस्ती, एकाग्रता आणि आत्मविश्वास वृद्धिंगत होत आहे.

गुणी खेळाडूंवर शुभेच्छांचा वर्षाव

विद्यार्थ्यांच्या या घवघवीत यशाबद्दल संस्थेचे चेअरमन संभाजी शिवाजी आहिराव, संचालक जगदीश ओझरकर, सचिव राणा पाटील आणि प्राचार्य सोनाली पाटील मॅडम यांनी सर्व खेळाडूंचे व प्रशिक्षकांचे विशेष अभिनंदन केले. नागपूर येथील स्पर्धेत सुवर्णकामगिरी करून धुळे जिल्ह्याचा गौरव वाढवावा, अशा शुभेच्छा त्यांनी खेळाडूंना दिल्या.

या यशाने पिंपळनेरच्या क्रीडा जगतात उत्साहाचे वातावरण पसरले असून पालक, शिक्षक आणि ग्रामस्थांकडून खेळाडूंवर अभिनंदनाचा वर्षाव होत आहे.